 прппрТалдықорған қаласы әкімінің 2012 ж. 16 мамырдағы № 55 өкіміне сәйкес Алмас Қабдулұлы Әділ қала әкімі аппаратының заң және мемлекеттік құқықтық бөлімшесінің жетекшісі лауазымынан босатыла отырып, ауысу тәртібімен қала әкімі аппаратының жетекшісі лауазымына тағайындалды
 прпрпҚазақстан Республикасындағы «Біз – Қазақстан балаларымыз! Біз жаңа әлемде өмір сүреміз» акциясы аясында үстіміздегі жылдың 16 мамыр күні қалалық орталық балалар кітапханасында «Қазақстан жазушылары – балаларға» атты кездесуі өтті.
прпрпТалдықорған қаласы әкімдігінің жоспарына сәйкес 2012 жылдың 15 мамыр күні Талдықорған қаласының аумағында орналасқан №19 кәсіптік лицейінде «Ашық есік күні» өткізілді. Шара аясында қаладағы орта мектеп түлектері мен олардың ата-аналары, келіп қатысқан қонақтары лицей өмірімен, мамандықтармен және лицей базасымен таныстырылды. Сонымен қатар, ондағы қолөнер, жиһаз жасайтын және тағы басқа шеберханаларды аралап, оқу орнында өткізілген экскурсияға қатысты.
прпрпКелген қонақтардың назарына лицей оқушылары көркемөнерпаздар концертін ұйымдастырды. Салауатты өмір салтын насихаттап, «Жастар есірткіге қарсы!» атты акциясын өткізді.
прпрп2012 ж. 14 мамырда Талдықорған қаласы әкімдігінің мәжілісі өтті. Әкімдіктің кезекті мәжілісіне қалалық мәслихаттың хатшысы, қала әкімі аппараты бөлімдерінің жетекшілері, ауылдық округтердің әкімдері, қалалық бөлімдер, мекемелер «Нұр Отан» партиясы филиалының, ардагерлер, кәсіподақ ұйымдарының басшылары және бұқаралық-ақпарат құралдарының өкілдері қатысты. «Қаланың 2012 жылғы І тоқсанындағы әлеуметтік және экономикалық даму қорытындылары және ІІ тоқсандағы міндеттері туралы» қала әкімінің орынбасары Қайрат Найманбайұлы Бұлдыбаев баяндады.
прпрпҚаралған мәселелер бойынша қала әкімдігі қаулысының жобалары қабылданды.
«Іскерлік байланыс» жобасы прпрп2011 жылдан бастап Қазақстан Республикасының Экономикалық даму және сауда министрлігі мен «Даму» Кәсіпкерлікті дамыту қоры «Бизнес жол картасы-2020» бағдарламасының тарауы ретінде қабылданған «Іскерлік байланыс» атты жобаны жүзеге асыруда. Жобаның мақсаты – Шетел компанияларымен Іскерлік байланыстарды орнату және ынтымақтастықты бекіту арқылы қазақстандық кәсіпкерлердің әлеуетін көтеру. прпрпЖоба 2 кезеңнен тұрады: Бірінші Кезең прпрп1 Кезең – Шетелдік және отандық бизнесжаттықтырушылар мен кеңеcшілердің қолдауымен 4 апталық тегін бизнес – тренинг жүргізу. - 2 апта (күндізгі оқу) Астана мен Алматы қалаларында теориялық және практикалық сабақтарды өткізу және оқыту жүйесі 2 курсқа бөлінеді:
 прпрпҰлы Отан соғыс Жеңісіне 67 жыл толуына орай, Талдықорған қаласы аумағында мерекелік шаралар ерекше ауқымда өткізілді. Аталған мереке Даңқ Обелискісіне гүл шоқтарын қою рәсімінен басталып, орталық алаңда тетарландырылған көрініспен жалғасты. Бұл салтанатты рәсімге Алматы облысы әкімі Аңсар Тұрсынханұлы Мұсаханов, Талдықорған қаласы әкімі Ермек Амантайұлы Алпысов, ҰОС және Ауған соғысынң ардагерлері, қалалық ардагерлер кеңесінің өклдері, Талдықорған гарнизонының әскери бөлімдері, қоғамдық бірлестіктердің өкілдері қатысты.  прпрпІ.Жансүгіров атындағы Мәдениет сарайының алдында сап түзеп әскери әуенініде салтаннатты шеруді Талдықорған гарнизоны мен Аэроұтқыр әскери бөлімдері бастады. Мерекелік шеру Әскери сарбаздардың көрнекі жаттығулары мен әскери техниканың көрінісімен жалғасты. Әскери шатырдың астында Ұлы Отан Соғыс ардагерлерімен қатар қаланың тұрғындарына дәстүрлі дайындалған түскі ас берілді. Мерекелік концертті арнайы шақырылған қонақ, Қазақстан Республикасының Мемлекеттік сыйлығының лауреаты, халық әртісі, әншісі Роза Рымбаева ашты. Ол «Алия», «Синиий платочек», «Играй гармонь»атты соғыс кезіндегі әндерді орындады.  прпрпСонымен қатар, мерекелік концертке Алматы облыстық Сүйінбай атындағы филармония әртістері, мемлекеттік «Алтынай» ансамблінің және «Талдықорған әуендері» фольклорлық-этнографиялық ансамбілінің әртістері қатысты. Ұлы Жеңіс күні мерекесі аясында Алматы облыстық ипподромда ат шабысы ұйымдастырылып, облысымыздың аймақтарынан өкілдері қатысты. Мерекелік бағдарлама жастарға арналған кешкі дискобағдарламамен жалғасып, көгілдір от шашуы Талдықорған қаласының тұрғындарына сыйға тартылды.
 2012 жылғы 7 мамырда Қазақстан Республикасы Қарулы Күштерінің құрылғанына 20 жыл толуына орай қала көшелерімен Талдықорған гарнизоны әскери бөлімдерінің ән шеруі өтіп, Даңқ Обелискісінің алдында салтанатты сап түзеуі мен гүл шоқтарын қою рәсімі атқарылды. Мерекелік шара аясында қала әкімі Е.Алпысов құттықтау сөз сөйлеп, қызметтерін адал атқарған әскери қызметшілер мен бөлім командирлеріне арнайы грамоталар және компьютерлер табыстады.
Мереке І.Жансүгіров атындағы Мәдениет сарайында Алматы облысының әкімі А.Мұсахановтың қатысуымен өткен салтанатты жиынмен жалғасты. Салтанатты жиын барысында белсенді қызмет еткен әскери қызметшілерге облыс әкімінің «Құрмет грамоталары» мен алғыс хаттары берілді. Жиын соңында жиналғандар назарына «Талдықорған әуендері» фольклорлы-этнографиялық ансамблінің концерті ұсынылды.
 2012 жылғы 7 мамыр күні атаулы мерекелермен қатар жастарға рухани тәрбие беру мен ұлттық салт-дәстүрімізді насихаттау барысында қызмет атқаратын облыстық «Ардагерлер үйінің» салтанатты ашылу рәсімі атқарылды.
Ғимараттың ашылу салтанатына Алматы облысының әкімі А.Мұсаханов және облыстық, қалалық, аудандық ардагерлер кеңестерінің төрағалары мен мүшелері, ардагер әжелер қатысты. Мерекелік шара барысында театрландырылған көрініс, концерттік бағдарлама және көрмелер ұйымдастырылып, жиналғандар назарына ұсынылды.
АРДАҚТЫ АРДАГЕРЛЕР! ҚҰРМЕТТІ ТАЛДЫКОРҒАНДЫҚТАР! Сіздердің ерліктеріңіз, құрметті ардагерлер, біз үшін мәңгілікке өшпес ерлік пен өлшеусіз даңқ, қаһармандық пен мұқалмас қажыр-қайраттың үлгісі болып қалады. 9 мамыр-жалпыұлттық мереке. Егер Сіздердің сол сұрапыл соғыстағы жеңістеріңіз болмаса, бүгін жарқын болашаққа батыл қадам жасаған тәуелсіз Қазақстан да болмас еді. Бұл таусылмас қуаныш пен бүкіл әлемдегі миллиондаған адамдардың болашағы, бостандығы мен ар-намысын қорғап, өз өмірлерін құрбан еткендердің ерлігі туралы жарқын естеліктер күні. Біздің арамызда неғұрлым ұзағырақ болып, Тәуелсіз Қазақстан мен немере-шөберелеріңіздің жетістіктеріне қуанып жүре беріңіздер! Мемлекет басшысы Н.Ә. Назарбаев атап өткендей «Жеңіс күні біздің атақ –даңқымыз, ерік-жігеріміздің мерекесі». Бұл күні баршамыз Ұлы Отан соғысы және тыл ардагерлерінің алдында басымызды иеміз! Ерлік істеріңізді өз Отанына деген шексіз сүйіспеншіліктің, елжандылықтың, ерлік пен патриотизмнің өлшеусіз өнегесі деп білемін. Денсаулықтарыңыз мықты, отбасыларыңыз аман болсын! Соңдарыңыздан ерген ұрпақтарыңыздың шап-шадыман күлкісіне бөленген ұзақ та баянды ғұмыр тілеймін! Қала әкімі Е. Алпысов
9 Мамыр – Жеңіс күніне арналған «Тағзым ет, халқым Отанымыздың Даңқына» атты мерекелік бағдарламасы Орталық мәдениет және демалыс саябағы сағат 9.30 – 10.00 дейін Сағат 9.30 - 10.00 Даңқ Обелискісіне гүл шоқтарын қою рәсімі. Орталық алаң сағат 10.00-ден 22.00-ге дейін Сағат 10.00 - 10.20 Мерекелік театрландырылған көрініс.
Сағат 10.25 - 10.45 Талдықорған гарнизоны әскери бөлімдерінің салтанатты сапқа тұруы. Сағат 10.45 – 11.00 Алматы облысының әкімі А.Т.Мұсахановтың құттықтау сөзі. Сағат 11.00 – 11.30 Талдықорған гарнизоны әскери бөлімдерінің салтанатты шеруі және Әскери сарбаздардың көрнекі жаттығуларды орындаулары. Сағат 11.30 – 12.00 Қазақстан Республикасының Мемлекеттік сыйлығының лауреаты, халық әртісі, әншісі Роза Рымбаеваның мерекелік концерті. Сағат 12.00 – 13.00 Алматы облыстық Сүйінбай атындағы филармонияның мерекелік концерті Сағат 13.00 – 15.00 ҰОС ардагерлеріне арналған мерекелік түскі ас Сағат 19.00 – 22.00 Жастарға арналған кешкі дискобағдарлама. Көгілдір от шашуы.
|
